Vinna og útsölur

Það er mikið að gera í vinnunni og ég er að vinna fram eftir alla daga.  Þökk sé ferðavél þá ætla ég ekki niður í vinnu um helgina heldur vinna hérna heima.  Mun örugglega þurfa að vinna allar helgar fljótlega svo eins gott að njóta þess að vinna bara heima!  Styttist í ársuppgjörið og í janúar er ég með tvö störf á bakinu, fjör hjá mér.  Farin að telja niður dagana þar til nýji fjármálaráðgjafinn byrjar :-)

Við Áróra fórum í smáralind áðan og kíktum í útsöluna hjá Jane N eitthvað man ekki nafnið á búðinni en allavegana fílar Áróra fötin þar.  Hún fékk að eyða 9 þús kr og fékk fyrir það 2 boli, eina hneppta peysu og eina prjónaða peysu.  Allt á minnst 50% afslætti svo það var flott.  Hún á þá að eiga nóg af efri pörtum í langan tíma en henni vantar aðrar buxur.  Buxurnar sem henni langar í voru bara til í stærð 8 og ekki einu sinni Áróra gat hneppt þeim að sér, hún reyndar komst í þær en var þröngt að hneppa þeim.  En sem sagt ef þið passið í stærð 8 þá var nóg til af þeim :-)

Annars keypti ég mér bol og blússu í Debenhams sem kostuðu samtals 2 þús svo peningnum var ekki alveg jafn skipt á okkur mæðgur í þessari verslunarferð!

jæja ég var víst búin að lofa að sjá um kvöldmatinn og klukkan orðin hálf sjö og ekkert til að elda!  Best að drífa sig út í búð.